DG નાકરાણીની ઈમાનદારી પર ન્યાયની મહોર

તોડપાણી, વેરભાવ અને મનમાનીનું ષડયંત્ર પૂરું: ગુજરાત હાઇકોર્ટે SMCના ખોટા ઈરાદા કચડી નાખ્યા!

સુરત: સુરત મહાનગરપાલિકા (SMC) ની કથિત મનમાની અને વેરભાવપૂર્ણ કાર્યવાહી સામે ડી.જી. નાકરાણી ફર્મને ગુજરાત હાઇકોર્ટના ઐતિહાસિક ચુકાદાથી ઝળહળતો વિજય મળ્યો છે. આ ચુકાદાએ SMC દ્વારા કરવામાં આવેલી તમામ અન્યાયી કાર્યવાહીઓને મૂળમાંથી ઉખાડી ફેંકી છે, અને ફર્મની પ્રતિષ્ઠા પુનઃસ્થાપિત કરી છે.

⚖️ હાઇકોર્ટનો ન્યાય – ડી.જી. નાકરાણી સામેની ખોટી કાર્યવાહીને કચડી નાખી

ગુજરાત હાઇકોર્ટે પોતાના ઐતિહાસિક ચુકાદામાં (C/SCA/6805/2025, તા. 03.11.2025) સ્પષ્ટપણે જાહેર કર્યું છે કે સુરત મ્યુનિસિપલ કોર્પોરેશન દ્વારા મિસ્. ડી.જી. નાકરાણી (M/s. DG Nakrani) ફર્મ સામે કરવામાં આવેલી કાર્યવાહી ખોટી, બદનિયતભરી અને કાયદેસર રીતે બિનમાન્ય હતી.

કોર્પોરેશને જે રિઝોલ્યુશન નં. 804/2025 પાસ કરી બે વર્ષ માટે ફર્મને ડિબાર કરી, EMD જપ્ત કરી અને ખોટા એફિડેવિટનો ગુનો નોંધવાનો નિર્ણય લીધો હતો — તે કોર્ટ દ્વારા પૂરતો અસત્ય અને બદલો લેવા જેવા મનોભાવથી ભરેલો ઠરાવાયો છે.

ફર્મ વતી આ મહત્ત્વપૂર્ણ કેસમાં એડવોકેટ રાજન જે. પટેલ એ સશક્ત અને ધારદાર દલીલો રજૂ કરીને ડી.જી. નાકરાણી ફર્મને સંપૂર્ણ ન્યાય અપાવ્યો છે.

🔍 હાઇકોર્ટના સ્પષ્ટ નિરીક્ષણો SMCના ઈરાદા પર સવાલ

હાઇકોર્ટે કોર્પોરેશનના નિર્ણય પાછળ રહેલા અયોગ્ય ઈરાદાઓ પર નીચેના સ્પષ્ટ નિરીક્ષણો કર્યા છે:

• “પોલીસ કેસ”નો ખોટો અર્થ કાઢ્યો: હાઇકોર્ટે જણાવ્યું કે મિનિમમ વેજિસ એક્ટ હેઠળ ચાલી રહેલી ફરિયાદો પોલીસ કેસ નથી, અને એવી બાબત છુપાવવાનો કોઈ ગુનો નથી. કોર્પોરેશન દ્વારા “પોલીસ કેસ”નો અર્થ તોડમોડથી કાઢીને ખોટો આરોપ લગાવવામાં આવ્યો હતો.
• બ્લેકલિસ્ટિંગનો મુદ્દો ખોટો: વર્ષ 2017માં થયેલી બ્લેકલિસ્ટિંગની કાર્યવાહી 2018માં જ રદ થઈ ગઈ હતી. છતાં કોર્પોરેશને એ જૂની અને રદ થયેલી બાબતને બહાને બનાવી ખોટી કાર્યવાહી કરી.
• વેન્જફુલ (બદલો લેવા જેવી) કાર્યવાહી: કોર્પોરેશને અરજદારનો જવાબ વાંચ્યા વિના જ ઉતાવળમાં નિર્ણય કર્યો. હાઇકોર્ટે આ કાર્યવાહી ને “ગેરકાયદેસર, મનમાની અને બદનિયતભરી” ઠેરવી છે.
• ઈમાનદારીને ન્યાય મળ્યો: કોર્ટના આદેશ મુજબ કોર્પોરેશને ફર્મનો EMD પરત કરવાનો આદેશ થયો છે અને ફર્મની ટેન્ડર લાયકાત ફરીથી વિચારવાનો આદેશ આપ્યો છે.

🗣️ એડવોકેટ રાજન જે. પટેલનું સનસનાટીપૂર્ણ નિવેદન

ફર્મના વકીલ એડવોકેટ રાજન જે. પટેલ એ ચુકાદા બાદ જણાવ્યું:

“આ ચુકાદો માત્ર ડી.જી. નાકરાણી ફર્મ માટે જ નહીં, પણ દરેક ઈમાનદાર ઉદ્યોગપતિ માટે આશાનો કિરણ છે. કેટલાક ‘પેઇડ પ્રોમોશનલ’ અને ‘બ્લેકમેલર પ્રકારના ખોટા ફરિયાદી તત્વોએ ફર્મની ઈમાનદારી પર ખોટો કાદવ ઉછાળ્યો હતો, પણ હવે હાઇકોર્ટે સ્પષ્ટ કરી દીધું છે કે સત્ય ક્યારેય દબાતું નથી.”

“આ ચુકાદો એ તમામ લોકોને ચેતવણી છે કે ફરિયાદના નામે બ્લેકમેઈલ અને ખોટી પ્રચાર રાજનીતિ હવે ચાલશે નહીં. સુરત મ્યુનિસિપલ કોર્પોરેશનની મનમાનીને પણ હાઇકોર્ટે સખત શબ્દોમાં કચડી નાંખી છે.”

💪 ડી.જી. નાકરાણી ફર્મની પ્રતિષ્ઠા પુનઃસ્થાપિત

ખોટા પ્રચાર અને “મિત્ર દર્પણ સાપ્તાહિક અખબાર” અને “ગુજરાત જનતા જાગૃતિ મંચ” મીડિયા એજન્સી ધ્વારા કરવા માં આવેલ ખોટી પયા-વીનાની ફરિયાદો અને અફવાઓના કારણે જે પ્રતિષ્ઠાને નુકસાન થયું હતું, તે હવે હાઇકોર્ટના ન્યાયથી સંપૂર્ણ રીતે પુનઃસ્થાપિત થઈ છે. ફર્મ વર્ષોથી સાર્વજનિક આરોગ્ય અને સફાઈ ક્ષેત્રે શ્રેષ્ઠ સેવાઓ આપી રહી છે, અને આ ચુકાદો એનું જીવંત પુરાવું છે કે સત્ય વિજયી બને છે.